Како функционираат институциите на ЕУ и како македонските медиуми известуваат за европските прашања се темите за кои 15 новинари расправаа на семинарот „Фокусирање на институциите на ЕУ лоцирани во Луксембург“, што Високата школа и МИМ го организираа во соработка со Европскиот новинарски центар. | Новинарите се запознаа како се креираат политиките и како се носат одлуките во правните и економските институции на ЕУ преку предавањата на експерти и на претставници на Делегацијата на Европската комисија. | Семинарот им го приближи на учесниците работењето на институциите, што ќе придонесе за квалитетот на новинарското известување на оваа тема. |
На дебата организирана како дел од семинарот се потенцира дека новинарите засега известуваат површно за европските прашања, кои не ги познаваат доволно, но немаат ниту доволен пристап до релевантните информации. | На крајот од семинарот учесниците посетија успешен проект што е финансиран од ИПА фондовите - системот на комуникации на Царината. | Во наредните пет дена новинарите ќе ги посетат институциите на Унијата во Луксембург: Судот на правдата на ЕУ, Европската инвестициона банка и ЕУРОСТАТ. |