Фондациите Роберт Бош и Ерсте, во соработка со Балканската Истражувачка Мрежа, БИРН, го објавуваат почетокот на четвртата година од нивната престижна стипендиска програма за новинари од Балканот.
Ги повикуваме новинарите од Албанија, Босна и Херцеговина, Бугарија, Хрватска, Косово, Македонија, Црна Гора, Романија и Србија да поднесат предлози за истражувачка сторија на овогодишната тема – ТАБУ.
Секоја година преку отворен конкурс се избираат десет новинари кои ќе добијат средства и професионална поддршка за да истражуваат и известуваат на теми кои имаат важност за регионот и за Европа.
Стипендистите ќе добијат:
- Финансиска поддршка од 2,000 евра, покриени патни трошоци до 2,000 евра и шанса да учествуваат во седуммесечна програма за нивен професионален развој.
- Можност да патуваат ширум регионот со цел да изготват длабински стории со регионално и европско значење.
- Тренинг од интернационално признаени новинари и експерти.
- Можност нивната работа да биде публикувана ширум Европа и да се приклучат на растечката мрежа на новинари кои ја поминале програмата за извонредност во новинарството на Балканот.
Во продолжение, независна комисија ќе додели награди од 4,000, 3,000 и 1,000 евра на авторите на трите победнички текстови.
За детални информации за стипендиската програма, за начинот на пријавување и за процедурата на селекција ве молиме прочитајте ги упатствата пред да симнете формулар за пријавување.
Пријавите мора да пристигнат до први март 2010.
Повеќе на http://fellowship.birn.eu.com/
