Меѓународниот конзорциум на новинари истражувачи (ICIJ) и проектот на Центарот за јавен интегритет во Вашингтон, го објавија за отворен конкурсот за доделување на наградата Даниел Перл 2010, која се доделува за најдобро меѓународно новинарско истражување.

Оваа награда е воведена од 2008 година, а именувана е според Даниел Перл, трагично загинатиот новинар на Wall Street Journal, кој во 2002 година беше убиен од страна на пакистанските милитатнти.

Конкурсот е отворен за секој професионален новинар или тим од новинари без разлика на националната припадност. Основен услов за  квалификација е новинарските стории да содржат известувања од најмалку две држави на теми од светско значење.

Победниците ќе бидат избрани од страна на петчлено интернационално  жири. За победничката сторија предвидена е награда од 5000 долари, додека за преостанатите пет финалисти наградата ќе изнесува 1000 долари.

Претставувањето на наградените е предвидено во рамките на Глобалната конференција за истражувачко новинарство која ќе се одржи во Женева на 6 Април 2010 година.

Сите заинтересирани учесници своите стории треба да ги испратат најдоцна до 15 јануари 2010 година.

Повеќе информации можете да прочитате на следната веб страница: http://www.publicintegrity.org/investigations/icij/awards/